arfavitlaus auglýsing

13.9.2008 | 13:24

Já , ég veit að ég er alger röflari en sumar auglýsingar fara svo hrikalega í taugarnar á mér. Sú sem pirrar mig þessa dagana er auglýsing um skemmtistað bragðlaukanna!

Hvað er skemmtistaður bragðlaukanna? Hvaða húllumhæ eru þá kynkirtlarnir? Nú eða endaþarmurinn? Skemmtistaður streptokokkanna? Arg.

Íslenskan er allt of myndræn til að nauðga henni svona. Sé alltaf fyrir mér tunguna á mér í brjáluðu diskó þegar ég heyri þetta. Kenwood chef.

Hætt í bili. Meira seinna. No worrys.

Flokkur: Bloggar | Facebook

Athugasemdir

Blessuð og sæl!

Sé hér fyrir neðan að þú ert á leið á bókasafnið í ákveðnum erindagjörðum, kíktu endilega í leiðinni eftir vísnabók Káins og skoðaðu vísuna þar. Hún heitir Ný vögguvísa held ég örugglega.

Magnús Geir Guðmundsson, 15.9.2008 kl. 01:47

www.skaldhus.akureyri.is/kn-I.html

Sæll Magnús

Farðu að sofa blessað barnið smáa,
Brúkaðu ekki nokkurn fjárans þráa,
Haltu kjafti, hlýddu og vertu góður.
Heiðra skaltu föður þinn og móður.

Svona lítur hún út á þessari síðu. Kann ekki að setja inn hyperlink hérna. Hún heitir´Ný vögguvísa, alveg rétt. Þorði ekki annað en að fara inn á síðuna til að fara nú rétt með. En semsagt svona er hún á síðunni. Ætla nú samt að kíkja hvort Káinn er til á bókasafninu og athuga þar.

Rut Sumarliðadóttir, 15.9.2008 kl. 11:38

Magnús,

hef hérna í höndunum Vísnabók Káinns og vísan er rétt hér að ofan nema í stað "fjárans" hjá mér stendur fjandans í bókinni. Hún er því svona:

Farðu að sofa, blessað barni smáa.

brúkaðu ekki minnsta fjandans þráa.

Haltu kjafti! Hlýddu og vertu góður!

Heiðra skaltu föður þinn og móður.

bestu kveðjur, Rutlaskutal

Rut Sumarliðadóttir, 15.9.2008 kl. 17:31

Sæl aftur Rut.

Strangt til tekið var þetta auðvitað ekki hjá þér, heldur inn á vefnum skaldhus.akureyri.is. En þetta var ég búin að tíunda við þig hér að ofan og inni hjá Gulla litla. Ég á þessa mjög svo merku bók í útgáfu frá 1993, þriðju prentun. Fleygar og frægar vísur sem þessi fara oftar og fóru á milli fólks í munnlegri geymd, því ekkert undarlegt að einstakar hendingar og orð skolist til.Hafði þó aldrei lesið þessa útgáfu sem þú fannst hjá Akureyrarvefnum og útgáfuna í bókinni tel ég næsta líklegast að sé sú rétta vegna þess að hún fer mun betur í framsögn. Reyndar var annað orð líka öðruvísi, minnsta fjandans þráa, en á vefnum stendur nokkurn fjárans.

Hef kunnað vísuna sem svo margar aðrar eftir sambæing minn í áratugi svo ég var viss í minni sök.

Góða skemmtun svo að lesa safn hins hagmælta snillings, ekki margir fleiri sem teljast geta jafn snjallir og ekki hvað síst skemmtilegir!

Bestu kveðjur.

Magnús Geir Guðmundsson, 15.9.2008 kl. 19:09

Takk Magnús, Káinn fer með mér í rúmið í kvöld.