Umskurn

27.3.2009 | 12:13

Hvernig skurn skyldi það vera? Svolítið erfitt að byrja á því að pilla skurn í burtu áður en hafist er handa eða svoleiðis. Nema prentvillupúkinn hafi komist í málið. En eflaust er málið léttara ef kanar eiga í hlut því væntanlega eru flestir þeirra umskornir. Ekkert falið undir forhúðinni. Get ekki hugsað þá hugsun til enda að sitja uppi með sár og skurði eftir svona skurn.

Góða helgi elskurnar mínar, ef þetta er ekki til að kynda undir brosi fyrir helgina þá veit ég ekki hvað.

	Bandaríkjamenn með umskurn á heilanum
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

Nýlega barst fyrirspurn um hvort væri réttara, umskurður eða umskurn, sem heiti á þeirri aðgerð er tíðum ber latneska fræðiheitið circumcisio. Fyrirspyrjandi sagðist aðeins hafa vanist fyrra heitinu, en taldi að nú væri það síðara að sækja á. Íðorðasafn lækna birtir þrjú íslensk heiti: forhúðarstýfing, umskurn, umskurður. Rétt er að minna á að fyrri orðhlutinn, circum, merkir umhverfis og að síðari orðhlutinn, cisio, er talinn dreginn af sögninni caedere, að skera. Íslenska heitið umskurður er því bein þýðing. Náskyld eru latnesku nafnorðin excisio, úrnám, brottnám, og incisio, skurður, rista, skurðaðgerð, risting.

Leit í textasafni Orðabókar Háskólans leiddi í ljós að bæði heitin umskurn og umskurður koma fyrir í íslensku bíblíumáli allt frá 16. öld. Umskurn kemur þó mun oftar fyrir. Til eru einnig heitin umskorning og umskurning. Leit á netinu leiddi hins vegar í ljós að heitið umskurður væri nú mun meira notað í almennri umræðu, en að heitið umskurn væri fremur notað í trúarlegri umræðu og í tengslum við biblíuna. Niðurstaðan er því sú að bæði heitin séu ?rétt?, en að heitið umskurður sé oftar notað í læknisfræðilegu samhengi.

Úr Læknablaðinu

Með kveðju Rut mín,

Svanur Gísli Þorkelsson, 27.3.2009 kl. 12:47

Skyldi þeim aldrei verða kalt með kónginn svona beran?????

Ingibjörg Friðriksdóttir, 27.3.2009 kl. 13:56

Svanur dúllurass, takk fyrir þetta, mér hugnast nú umskurður betur enda málið svo myndrænt að lenti í vandræðum við fyrstu hugsun. Ekki það að ég hugsi mikið um typpi, sei,sei,nei.

Stelpur: brosandi kaldur kóngur umvafinn skurn!

Rut Sumarliðadóttir, 27.3.2009 kl. 14:04

Fer um mig sársaukafullur hrollur bara við tilhugsunina

Finnur Bárðarson, 27.3.2009 kl. 14:28

Sama hér Finnur!

Rut Sumarliðadóttir, 27.3.2009 kl. 17:50

Fyrst hélt ég að þú værir komin í páska(eggja)hugleiðingar; sko með skurnina. Hugsaði svo, sei, sei, hún er eins og oft er um mann, 100% viss í sínu, EN gerir ekki ráð fyrir að annað kunni að vera "jafn rétt".

Annars er þarna orð sem ég þoli aldrei: ungabarn. Þarna koma páskarnir inn aftur! Ef ungi á barn, hlýtur það að vera ungabarn....! Hrædd um að þetta sé svipaðs eðlis; þetta sé hvort tveggja rétt, jafnvel mitt rangt (ég vil nota ungbarn) og geri það áfram nema e-m takist að sannfæra mig.

Eygló, 27.3.2009 kl. 23:39

Samsetningar með unga- að fyrri lið eru flestar tengdar fuglsungum, til dæmis ungadauði, ungadráp, ungaeldi, ungafiður, ungafæða, ungahópur, ungahæna, ungamamma og mörg fleiri. Þar er um eignarfallssamsetningu að ræða, það er fyrri liðurinn stendur í eignarfalli.

Algengt er þó í samtímamáli að nota myndina ungabarn samhliða ungbarn. Báðir rithættirnir, ungbarn og ungabarn, teljast réttir en frekar er mælt með rithættinum ungbarn.

Háskólinn er greinilega sammála þér Eygló :)

Svanur Gísli Þorkelsson, 27.3.2009 kl. 23:59

Háskólinn getur þá verið stoltur af því að vera sammála mér! :)

Takk, Svanur þú hefur leitt mig úr skugganum. Úr því að "mín" útgáfa er "réttari" af tveimur réttum, sit ég áfram við minn keip en hætti kannski að býsnast yfir "vitleysunni" í hinum

Rut, takk fyrir lánið á síðunni!

Eygló, 28.3.2009 kl. 02:13

Eygló, stundum er ég svo viss að ég æði áfram og geri stólpagrín að aumingjans fréttamanninum í þessu tilfelli, og hef svo rangt fyrir mér. Hafði aldrei heyrt um þessa notkun á umskurn. Hí á mig.

Nota ung- og unga- jöfnum höndum. Og greinilega -skurður og -skurn hér eftir.

Svo eru svona ung-legar kerlur eins og ég og fleiri.

Takk fyrir útskýringarnar á þessu Svanur, ykkur er velkomið að nota síðuna, bara skemmtilegt.

Rut Sumarliðadóttir, 28.3.2009 kl. 11:48

Málfarssíða Rutar >> ekki amalegt