Er ekki kominn tími til að tengja?

Æi greyið Sigmundur, AGS hugnast ekki hugmynd Sigmundar og það er auðvitað vegna þess að sjóðurinn er í vasa ríkisstjórnarinnar. Það kemur auðvitað ekki til greina að þetta sé arfavitlaus hugmynd, er það?

Bara svona ef Sigmundur vissi það ekki þá er fólk hér á landi sem þarf ekki slíka aðstoð. Það er eitt að eignast húsnæði og annað að byggja glæsivillur sem ég prívat og persónulega er ekki til í að borga fyrir. Það væri að bera í bakkafullan lækinn.

Þessi hugmynd um flatan niðurskurð er algerlega út úr kú. Hefði haldi að formaðurinn væri búinn að átta sig á því að þessi hugmynd fellur í grýttan jarðveg og það ekki bara hjá AGS.  Auðvitað er fólk misvel eða ill sett núna eins og á öðrum tímum. Það hlýtur að þurfa að taka tillit til tekna og hámarka upphæð afskrifta. Að minnsta kosti finnst mér komið nóg af því sem þjóðin þarf að borga í sukk og svínarí svo ekki bætist við að greiða niður glæsivillur fyrir fólk sem hefur nóg milli handanna.

Sigmundur mætti gjarnar leggja eyrun við og hlusta á raddir fólksins því það er að heyra að meginþorri almennings sé sammála AGS.  Er ekki kominn tími til að tengja?

 

 

 

Þjónkun IMF við stjórnvöld

Athugasemdir

[Heiðar Lind Hansson, 14.3.2009 kl. 14:44]

Mæli með að þú tengir líka, eða a.m.k. gerir tilraun til þess með þessum lestri: http://www.cnbc.com/id/29598949

[Rut Sumarliðadóttir, 14.3.2009 kl. 14:53]

Sé ekki tengingu við þessa grein og þess hvernig niðurfellingu skulda skuli háttað á Íslandi. Sorrý. Bendi þér á lesa vel bloggið og hvernig þorri fólk bregst við þessari hugmynd. Þá er hugsanlegt að þú getir tengt líka.

[Finnur Bárðarson, 14.3.2009 kl. 18:00]

Ef einn bóndi fær bætur fyri eitt lamb sem hann missir. Á þá öll sveitin fá sams konar bætur ?

[Rut Sumarliðadóttir, 14.3.2009 kl. 18:31]

Nákvæmlega Finnur,

Ef hann er ekki fastur við eldavélina!

[Hildur Helga Sigurðardóttir, 15.3.2009 kl. 01:39]

IMF/AGS er nú þekktari fyrir annað en "þjónkun" við stjórnvöld í þeim löndum, sem þeir láta til sín taka, jafnvel ekki í stórveldum á borð við Ísland.

[Rut Sumarliðadóttir, 15.3.2009 kl. 15:28]

HH ég hélt það. Frekar verið á hinn veginn ef eitthvað er.

[Jakobína Ingunn Ólafsdóttir, 17.3.2009 kl. 00:05]

Já þetta er fáránleg hugmynd.

[Rut Sumarliðadóttir, 17.3.2009 kl. 00:58]

Algerlega, hélt nú ekk að ég ætti eftir að taka hanskann upp fyrir AGS, aldrei að segja aldrei.