Gleðilegt sumar.

Gleðilegt sumar elskurnar mína! ekki það að það sé mjög sumarlegt hérna á Reykjanesskaganum, rigning og rok, aldrei þessu vant. Og snjóaði í nótt. Það ku vera forboði um gott sumar að vetur og sumar frjósi saman. Vonum að satt reynist.

Korter í kosningar, mikið svakalega er ég orðin spennt fyrir útkomunni. Er annars orðin svooooooooo leið á pólitík og spillingu og aðgerðarleysi að það hálfa væri nóg. Eins og sést á bloggleti minni. Kannski það lagist með hækkandi sól og vonandi betri ástandi hjá þjóðinni. 

Ef ég fæ enn einn bæklinginn með brosandi frambjóðendum inn um lúguna held ég bara hreinlega að ég æli. Fer beint í ruslið. Segi eins og Davíð að það hefði mátt spara þessi yndisfögru tré mín vegna. 

En..... gleðilegt sumar, ekki veitir af.

 

Athugasemdir

[Sigrún Jónsdóttir, 23.4.2009 kl. 13:58]

Gleðilegt sumar kæra Rut og takk fyrir ánægjuleg samskipti á liðnum vetri

[Soffía Valdimarsdóttir, 23.4.2009 kl. 14:08]

Gleðilegt sumar og takk fyrir skemmtileg skrif í vetur :)

[Rut Sumarliðadóttir, 23.4.2009 kl. 14:12]

Takk og sömuleiðis frábæru konur.

[Rut Sumarliðadóttir, 23.4.2009 kl. 15:34]

Gleðilegt sumar Silla mín og bestu kveðjur á nesið. Já, mér finns að það hefði mátt hlífa þessum trjám, það kom að því að við Davíð vorum sammála!

[Guðrún Jónína Eiríksdóttir, 23.4.2009 kl. 21:07]

Gleðilegt sumar og takk fyrir bloggveturinn.

[Ingibjörg Friðriksdóttir, 23.4.2009 kl. 23:14]

Ég set alla bæklinga ólesna í blaðabunkann sem fer síðan í endurvinnsluna.  Ef ég væri allsráðandi þá myndi ég banna þessa sóun á pappír.  Við eigum að geta nálgast allar þær upplýsingar sem við viljum í gegn um tölvur og þeir sem ekki eiga tölvur ættu að geta nálgast upplýsingar á textavarpinu.

Ég er sama sinnis og þú, ég gæti ælt.  Ég átti vondan draum í nótt.

Það ver kominn sunnudagur og íhaldið hafði tapað sára litlu. Mér fannst Össur koma illa út í gær, en Svandís þess betur.  Framsóknarmaddaman Vigdís eða hvað hún heitir var bara ótrúlega leiðinleg og svo fékk Guðlaugur að gapa allt of mikið.  Ég var mjög hrifin af dóttur Bergþóru.

Vonandi verður sunnudagurinn okkur góður og Guð gefi að okkur beri gæfa til að komast sæmilega frá þessum erfiðleikum.

Annars, Gleðilegt sumar Rut mín og takk fyrir frábæra bloggvináttu.

[Sóldís Fjóla Karlsdóttir, 24.4.2009 kl. 08:47]

Gleðilegt sumar.....

[Gulli litli, 24.4.2009 kl. 10:53]

Gleðilegt sumar, og höldum áfram að hugsa um fallega trjágróðurinn..

[Rut Sumarliðadóttir, 24.4.2009 kl. 12:35]

Takk og sömuleiðis elskurnar mínar, búin að klippa af trjánum..........

[Hildur Helga Sigurðardóttir, 30.4.2009 kl. 21:23]

Fátt er eins úrelt og kosningabæklingar EFTIR kosningar.

Mæli þó með því að einum af hverri tegund sé haldið til haga fyrir framtíðina...

[Rut Sumarliðadóttir, 1.5.2009 kl. 11:19]

Svona til að geta hermt uppá viðkomandi? Ætli bæklingarnir séu ekki eins og áður fyrr, fullir af loforðum sem gleymast fljótt? Alla vega er stutt í mína vantrú.