Enn meira um mótmæli.

Nú er táragasi beitt á mótmælendur eins og í alvöru stríði. Hvað er í gangi hér eiginlega. Það er til einföld leið að stoppa þetta. Stjórnin segir af sér og málið er dautt. Ég skrifa ekki undir ofbeldi hvort sem það er framið af lögreglu né mótmælendum. Það eru svartir sauðir í öllum hópum, bæði lögreglu og hjá mótmælendum.

 Harðari viðbrögð lögreglu kalla einfaldlega á harðari mótmæli. Orsök og afleiðing. Er þetta eitthvað flókið?

Íslendingar eru beittir ofbeldi af hálfu stjórnvalda á hverjum degi. Ofbeldið felst í skuldaklafa, atvinnumissi, eignamissi og þjóðin orðin ærulaus og venjulegir borgarar í námi og búsettir erlendis fá að súpa seyðið af verkum eða öllu heldur ekki verkum stjórnarinnar. Vonleysi, depurð og reiði fólksins er ofur eðlileg að mínu viti.

Haldi ráðamenn að svona aðgerðir verði til að þagga niður í fólki þá vaða þeir í villu og svíma. Þetta er eins og olía á eld.

Bara svo það sé alveg á hreinu þá fordæmi ég framkomu mótmælenda sem fréttin segir frá. Það er fínt að mæta með potta og sleifa og framkalla hávaða og trufla störf þessarar ónýtu stjórnar. Þar deg ég mörkin. 

Táragasi beitt á Austurvelli

Athugasemdir

[Sigrún Jónsdóttir, 22.1.2009 kl. 13:15]

Já Rut, þessi skemmdu epli eru víða.  Nú verða friðsamir mótmælendur að auðkenna sig og appelsínugult skal það vera

[Rut Sumarliðadóttir, 22.1.2009 kl. 13:36]

Já gott mál. Appelsínugult er það svona kratalitur

[Ríkisborgari (IP-tala skráð) 22.1.2009 kl. 17:49]

Góðan daginn.

Ert þú ekki alveg að starfa á öllum heilasellum kona góð?

"Harðari viðbrögð lögreglu kalla einfaldlega á harðari mótmæli." Þetta er ábyggileg eitt það heimskulegasta sem ég hef séð skrifað í þessum bloggheimi ef svo skal kalla.

Þessu er nákvæmlega öfugt farið. Öfgafullari mótmæli kalla á harðari aðgerðir lögreglu.

Ég er stoltur af lögreglunni! Eins mikið og ég er stoltur af lögreglunni þá fordæmi ég þennan skríl sem er uppdópað lið sem nýtur þess að skaða fólk og valda tjóni.

ÁFRAM LÖGREGLAN ! HALDIÐ UPPI LÖGUM OG REGLU Í ÞESSU SAMFÉLAGI!

Takk fyrir.

[Rut Sumarliðadóttir, 22.1.2009 kl. 18:38]

Sæll, þú sem þorir ekki að koma fram undir nafni. Ég álykta þetta vegna þess að nákvæmlega svona hefur þetta gengið fram. Lestu aðeins betur félagi. Ég mæli ekki með svona háttarlagi á einn eða neinn hátt. Og tek það sérstaklega fram í blogginu. Skil ekki hvernig þú færð þetta út en það er örugglega vegna þess að þú ert svo vel gefinn. 

Ef lögreglan heldur uppi lögum og reglum í landinu mínu þá á hún líka að fara að sömu lögum og reglum. Það er réttur hvers manns í lýðræðisríki að mótmæla því sem honum finnst ekki rétt. Svo legg ég til að þú opnir svona bloggsíðu undir nafni og fáir útrás þar.

[Ólöf de Bont, 22.1.2009 kl. 22:10]

Rétt athugað hjá þér og ég hjartanlega sammála. Mótmælin þurfa ekki að vera svona harkaleg, ég held þau skemmi fyrir.  Bumbusláttur og bjölluhljómar ásamt háværum röddum held ég að komi skilaboðum fyrr áleiðis.

[Rut Sumarliðadóttir, 22.1.2009 kl. 22:22]

Takk ljúfan, já, sammála enda voru það einmitt þau sem trufluðu!

[Offari, 22.1.2009 kl. 23:00]

Sæl Rut ég er sammál þér að ofbeldi og skemmdarverk eru skemmdarverk á þessum mótmælum. Sama hvaðan þau koma.

[Rut Sumarliðadóttir, 22.1.2009 kl. 23:46]

Takk fyrir það offari, það kemur óorði á aðra mótmælendur.

[Jakobína Ingunn Ólafsdóttir, 23.1.2009 kl. 00:17]

All útlit fyrir að ríkisstjórnin sé að rakna á saumunum!

[Sigurveig Eysteins, 23.1.2009 kl. 02:35]

 Sammála þér Rut, og haltu áfram að skrifa og ekki láta svona nafnlausa aula skemma það fyrir þér.   Ríkisborgari vertu undir nafni, hvað eru að fela ???

[Haraldur Davíðsson, 23.1.2009 kl. 03:17]

Þetta var sorglegur endir á góðum degi...og ömurlegt að það skuli ver aofbeldi á báða bóga sem stóð uppúr eftir daginn...

[Haraldur Davíðsson, 23.1.2009 kl. 03:19]

Ríkisborgari, það ber vitni um heigulshátt af þinni hálfu að koma með svona blammeringar nafnlaust.

Þar utan ertu stórkostlega blindur á stóru myndina.....

[Kristín Gunnarsdóttir, 23.1.2009 kl. 09:40]

Sammála þér min kæra

[Rut Sumarliðadóttir, 23.1.2009 kl. 11:23]

Góðan og blessaðan daginn öll sömul. Er að skrönglast á lappir, ligg í flensu. Takk fyrir kommentin ykkar. Maður kippir sér nú ekki upp við svona nafnlausar gungur sem kunna greinilega ekki að lesa. Skil ekki hvernig hann gat lesið það út úr þessu að ég væri að mæla ofbeldi einhverja bót.

Ég á mág í lögreglunni og hann er með betri mönnum sem maður hittir. Akkúrat og ábyggilegur og traustur maður. Og þau eiga börn.

En allt um það, þá var þetta sorglegur endir á góðum degi Halli. Bíbí, rétt hjá þér, það kom að því að mótmælin heyrðust og það rækilega. Frábært framtak með pottana og sleifarnar, var reyndar sjálf búin að leggja það til við ákveðna manneskju, annar er ég bara góð fyrir utan fjandans flensuna.

Baráttukveðjur til ykkar og takk fyrir mig.