Nú árið er liðið í aldanna skaut og aldrei það kemur til baka, guði sé lof og dýrð..eða hausinn af sagði spaðadrottningin!

2009. Hvað skyldi það ár bera í skauti sér. Eftir mærðarræðu forsætisráðherra um að axla ábyrgð ( vinsæll frasi ) og hertar reglur og eftirlit með fjármálamörkuðum, axlar samt enginn ábyrgð og allir sitja enn, Geir hvar á að byrja? Nú vil ég sjá þig og þína ganga fram og standa við orðin og byrja í ykkar heimaranni. Þar sem þú ætlar greinilega að sitja " í meðvindi sem mótvindi" eins og það hét í ræðunni. Eða eitthvað álíka gáfulegt um það að þú víkjir ekki sjálfur, æðsti ráðamaður þjóðarinnar, sem berð mesta ábyrgð sem slíkur.

Sjálfsagt full vongóð um að orð mín nái eyrum Geirs eða hans meðreiðarsveina. Eða það sé yfirhöfuð hlustað á venjulegan borgara sem er löngu búinn  að fá nóg af orðum og vill sjá hausa fjúka og óhæft fólk látið fara. 

Engin áramótaheit þetta árið enda ekki nokkur leið að vita hvað það ber í skauti sér. Verð ég orðin heimililaus betlarakerling áður en árið er á enda? Áramótaheit um að hætta að reykja eða fara í líkamsrækt eru bara svo lítilsgild miðað við stærð vandans sem við þurfum að takast á við.  

Við íslendingar erum engir aumingjar og seinþreytt til vandræða þegar það kemur að því að mótmæla stjórnvöldum.  Við höfum látið allt of mikið yfir okkur ganga undanfarin ár með því að greiða óheyrilega háa vexti og verðbætur (séríslenskt fyrribæri, af hverju skyldi það vera?) sem hafa gert útráðsarvíkingunum og þeirra pótentátum kleyft að safna auði sem er tekinn úr okkar buddum og settur í einkaþotur, skútur og fyrirtæki í útlandinu sem örfáir fá arðinn af. Nú held ég að við séum búin að fá nóg og látum ekki bjóða okkur þetta lengur. 

Gott og gleðilegt nýtt byltingarár! Megi sem flesti hausar fjúka á árinu.

P.s. þetta er full nafn samkvæmt Þjóðskrá, á enga alnöfnu. Bara svo það sé á hreinu. 

Athugasemdir

[, 1.1.2009 kl. 11:39]

Mikið er þetta vel að orði komist.

[Sigrún Jónsdóttir, 1.1.2009 kl. 11:56]

Tek undir með Dagnýju, og er algerlega sammála öllu ofanskráðu.

[Rut Sumarliðadóttir, 1.1.2009 kl. 12:07]

Dagný, takk fyrir það

Takk Sigrún.

Hélt að ég væri eina ótimbraða manneskjan í dag!

[Rut Sumarliðadóttir, 1.1.2009 kl. 13:03]

Já, sæl Dóra mín. Við erum í keleríi uppi í sófa í rigningunni og glápum á kassann, margt verra en það.

[Jakobína Ingunn Ólafsdóttir, 1.1.2009 kl. 16:32]

Já gleðilegt byltingarár Rutla til þín, fjölskyldunnar og Snata litla.

[Rut Sumarliðadóttir, 1.1.2009 kl. 17:01]

takk ljúfan og sama til þín og þinna.

[Ólöf de Bont, 1.1.2009 kl. 19:19]

Gleðilegt ár Rut mín.  Ekki afhausa of marga, láttu spaðadrottninguna um það.  Hið góða sigrar ætíð að lokum þó svo útlitið sé svart víða.  Við hefðum brett upp ermar hér í den og látið í okkur heyra og macea á okkur

[Rut Sumarliðadóttir, 1.1.2009 kl. 20:00]

Vona það svo sannarlega,

segðu kona, heldur betur!

[Halla Rut , 1.1.2009 kl. 21:48]

Svo áttu auðmennirnir alla bankanna og kúguðu okkur með leyfi frá ríkisstjórninni með verðtryggingu og okurvöxtum. Ekki að undra hvað þeir efnuðust. Ríkisstjórnin síðustu áratugi ber fulla ábyrgð á þessu öllu saman og svo kom sú nýjasta með ISG í fararbroddi og tryggði með svikum sínum við alþjóð að spillingin og kúgunin héldi áfram.

Gleðilegt ár Rut nafna mín og við skulum strengja áramótaheit um það að standa saman, koma þessu fólki frá og búa til nýtt Ísland. 

[Rut Sumarliðadóttir, 1.1.2009 kl. 22:55]

takk nafna, já, við gerum það, enginn að gefast upp.

[Kristín Gunnarsdóttir, 2.1.2009 kl. 09:48]

Þú ert yndi. Gleðilegt ár kæra Rut

[Rut Sumarliðadóttir, 2.1.2009 kl. 11:11]

Veit það nú ekki, en takk og sömueliðis Kristín mín, hafðu það gott á nýj aárinu.

[Rut Sumarliðadóttir, 2.1.2009 kl. 11:44]

gleðileg árið Silla mín, já, vonin er það eina sem við megum ekki missa, sammála því.

[Ingibjörg Friðriksdóttir, 2.1.2009 kl. 12:21]

Einkennilegt finnst mér hvað sumir vilja endilega klína öllu bulli Framsóknar og Íhalds á ISG.  Hún er að reyna að halda haus, svo stórslysið verði ekki að drepsótt.  Það er trúa mín að sagan muni sýna það að hún sé traustsins verð.

Sumir sjá ofsjónum yfir því að hún vilji styðja og styrka fátækar konur og börn út í heimi, en það er það sem ég er stoltust af öllu því sem hún hefur gert.

Þeir sem bera mesta ábyrgð hér er Formenn Framsóknar og Sjálfstæðisflokks, fjármálala, viðskipta og dómsmálaráðherrar.  Einnig forystumenn  Seðlabanka og Fjármálaeftirlits.  Ef ég ætti að taka einn af þessum framantöldu þá er það Davíð Oddsson sem í bræðiskasti lagði niður Þjóðhagsstofnun, af því að þeir töldu óráðlagt að einkavæða á þessum ofsahraða, því nýfrjálshyggjan þyrfti lengri aðlögunartíma, setja þyrfti reglur og lög.  En eins og allir vita þá lá Davíð á, því hann þurti að setja eftirlaunafrumvarpið á og tryggja sig og komast í Seðlabankann.

Síðan á að fangelsa þessa siðspilltu fjárglæframenn sem sáust ekki fyrir, vegna græðgi og yfirgangssemi á alla lund.

Rut! Ég verð alltaf svo reið þegar fólk talar illa um ISG, í hreinni frekju yfir að þurfa að láta af hendi rakna smá hjálp til þeirra sem á hjálpinni þurfa að halda.  Þeir hinu sömu finnst allt í lagi að þiggja og græða alveg endalaust á öðrum. 

Ingibjörg Sólrún Gísladóttir er manneskja og getur orðið á eins og okkur öllum en ég er sannfærð um að hún er sú sem heiðarlegust er á Alþingi Íslendinga um þessar mundir og ég er einnig viss um að fleiri eiga eftir að sjá það.

Ígleði og friði og ósk um betri tíð með blóm í haga.

[Rut Sumarliðadóttir, 2.1.2009 kl. 15:06]

Vona að þú mælir rétt Imba mín með ISG, hún  hefur valdið mér vonbrigðum verð ég að segja, hún er fullur þátttakandi í þessu yfirklóri sem er verið af fremja hér af stjórnvöldum, hún er utanríkisráðherra og ekki alveg valdalaus sem slíkur. Jóhanna er hins vegar sá ráðherra sem ég treysti.

sömuleiði með von um betri tíð með blóm í haga.

[Ingibjörg Friðriksdóttir, 2.1.2009 kl. 16:20]

Ég er búin að vera ergileg og tala við marga samherja og líka í innsta hring.

Hún á þrjá kosti og þeir eru allir vondir, en að vel athuguðu máli, velur hún að mínu viti þann illskásta. Hún þarf að halda sjó í nokkurn tíma ennþá.

Ég tel okkur best borgið innan ESB.  Við getum ekki stólað á illa gefna eða kannski spillta stjórnmálamenn, við erum ekki betur gefin en það að við veljum þá ár eftir ár.  Þeir eru löngu búnir að gefa frá þjóðinni fiskinn í hafinu, voru rétt búnir að gefa orkuveituna, gáfu símann, bankana og síðast en ekki síst þá gáfu þeir frá okkur æruna.

Ég er þokkalega upplýst, ekki tiltakanlega illa gefin, heiðarleg og harðdugleg þó ég segi sjálf frá.  Ég er sannfærð um að í þessu litla landi okkar sem er ekki svo einangrað sem fyrr.  Við erum fjölmenningar þjóðfélag og tilheyrum heiminum öllum.  Við deilum þekkingu, menningu, viðskiptum með öðrum þjóðum.

Við viljum að þjóð okkar sé fráls og óháð, en hvað erum við í dag?  Allavega ekki óháð.  Við erum undir það seld að þurfa að beygja okkur undir skipanir frá erlendum fjárfestingabanka.  Það hefði ekki gerst ef við hefðum verið komin inn í ESB, vegna þess að þá hefðu fjárglæframennirnir al íslensku ekki fengið að gefa út Ice save bréfin.

Innan ESB eru líka illa gefnir og siðspilltir ráðamenn, en þeir komast ekki upp með það til lengdar, fyrr eða síðar opinbera þeir sig og eru reknir ef þeir hafa ekki vit á að segja af sér.

Það er algjör misskilningur að við gefum frá okkur auðlindir okkar ef við göngum inn í Evrópubandalagið.  Við munum áfram eiga fiskinn og olíuna ef hún finnst, vatnið og jarðhitann, menninguna og mannvitið.

Það sem breytist er að við munum fara að lögum ESB og sumt muun verða samið um og stýrt frá Brussel.  En það verður betur farið með það þar, en hjá misvitrum íslenskum stjórnmálamönnum.

Alþingi verður ekki lagt niður, en seðlabankinn fer annað.

DJÖFULLI VAR SKAUPIÐ GOTT.

[Rut Sumarliðadóttir, 3.1.2009 kl. 11:00]

Já góðan og blessaðan daginn frú Imba, mér þykir vera uppi á þér typpið!, Get skrifað undir allt sem þú segir, ég vil að við séum vel upplýst hvað aðild að ESB innifelur, kosti og galla og síðan vil ég að þjóðin kjósi. Hárrétt með að svona vinnubrögð eins og hér tíðkast, leynt og ljóst, eru ekki liðin þar og hausar látnir fjúka ef þeir eru uppvísir að svikum.

Ég hef allar götur verið mikill stuðningsmaður ISG, sagði mig á sínum tíma í flokkinn tila ð tryggja að hún  kæmist að sem formaður. Það eina sem ég get sagt er að hún hefur ekki verið heil heilsu og er kannski ekki enn, þekki það ekki.

Það er algjör misskilningur að við gefum frá okkur auðlindir okkar ef við göngum inn í Evrópubandalagið.  Við munum áfram eiga fiskinn og olíuna ef hún finnst, vatnið og jarðhitann, menninguna og mannvitið.

Það sem breytist er að við munum fara að lögum ESB og sumt muun verða samið um og stýrt frá Brussel.  En það verður betur farið með það þar, en hjá misvitrum íslenskum stjórnmálamönnum.

Alþingi verður ekki lagt niður, en seðlabankinn fer annað.

Þetta er eins og talað úr mínu hjarta.

Þín persónulýsing gæti líka verið komið frá mér, fer þér vel enda ertu flottust seinnipartinn ljúfan.

Hressandi að fá svona útlistun í kommentakerfið, alltaf velkomin.