Sauðaþjófar enn á Íslandi?

Lögreglan á Hvolsvelli nappaði bónda fyrir að selja 16 kindaskrokka og á hann á von á sekt vegna athæfisins. Hvað kostar þá einn mannskrokkur sem er færður til slátrunar?Hvað segið  þið sem  slátruðu heilli þjóð? Hvað kostar eitt mannslíf hjá ykkur? Hvað kostar uppboð á einni fjölskyldu með manni og mús?

Ef þetta er til eftirbreytni hvað verður þá gert við bankastjórana? Og stuttbuxnadrengina? Og Seðlabankastjórana? Í landans tilfelli er um mannsskrokka að ræða. Þar eru menn búnir að færa til slátrunar heila þjóð, börnin okkar og barnabörnin sett á skuldaklafa til langrar framtíðar.

Ég er búin að fá nóg að þessum Pollýönnuleik sem er verið að reyna að troða upp á okkur. Ég er ekki tilbúin til að brosa í gegnum tárin og láta sem ekkert hafi í skorist. Og það er sko klárt að ég býð ekki hinn vangann.

Það er kominn tími til að allir taki sig saman og borgi ekki lánin sín. Fyrr en verðtrygging hefur verið afnumin og þeir sem sekir eru séu sótti til saka.

Vonandi verður góð þátttaka á laugardaginn.

 

Athugasemdir

[Sigrún Jónsdóttir, 17.10.2008 kl. 11:56]

Það hvarflar ekki að mér að taka þátt í þessum Pollýönnu "knúsleik", í boði stjórnvalda.

Mun reyna að taka þátt í öllum þeim mótmælum, sem vonandi verða skipulögð næstu daga og vikur.

Um helgina verð ég aftur á móti að hlú að okkar gamla "mannauð", sem gleymdist í "falsauðseltingarleiknum"

[Rut Sumarliðadóttir, 17.10.2008 kl. 12:00]

Takk Sigrún, gott að vita að öðrum líður eins. Veitir ekki af að hlúa að mannauðnum hann er sá eini sem við eigum eftir.

[Guðrún Jónína Eiríksdóttir, 18.10.2008 kl. 10:24]

Ætli það sé ekki minni sekt fyrir að selja menn. Það er mjög líklega engin sekt við því.

Þetta er sko ekki eðlilegt.

Knús til þín.

[Rut Sumarliðadóttir, 18.10.2008 kl. 11:34]

Takk Dóra, hækkunin á afborgunum nemur tæpum einum mánaðarlaunum hjá mér!! Góða helgi.

[Rut Sumarliðadóttir, 18.10.2008 kl. 11:36]

Dúna, nei mannslífið er ekki mikil metið og það er ekki eðlilegt. Hér mega menn setja allt á hausinn og bera enga ábyrgt en sauðaþjófurinn er sektaður.

Knús tilbaka.