Kjararáð til hvers?

Þar með fuku fögur orð um þögn og jólaundirbúning fjandans til. Eina fólkið sem fær launahækkun í þessu árferði eru æðstu menn þjóðarinn sem komu henni í gjaldþrot. Finnst þeim í raun og veru að þau eigi skilið að fá klapp á bakið? Fólki er sagt upp í hundruða tali eða tekur á sig launalækkun en ekki þau, nei, þeir hafa náttúrulega staðið sig svo vel að það þarf að umbuna þeim. Með eftirlaunum og launahækkun.

Hvað ætli kosti okkur að hafa slíkt ráð? Getur einhver sagt mér það? Hvers vegna sitja ekki allir ríkisstarfsmenn við sama borð og semja um sitt kaup og sín kjör? Er ekki tími sparnaðar og aðhalds og niðurskurðar? Útaf með þetta ráð, það hefur sýnt í gegnum tíðina að það er algerlega úr takti við allt annað í landinu. Varla er þetta ráð eyland sem þjóðarskútan getur ekki syglt upp að.

Eftirlaunaósóminn staðfestur með smávægilegum breytingum og núna úrskurður kjararáðs um launahækkun til þingmanna. Af hvaða þjóðflokki er þetta fólk?

Ég er alveg á leiðinni að kaupa rauða málningu og kasta henni á þingið.

Kjararáð getur ekki lækkað launin

Athugasemdir

[Ólöf de Bont, 2.12.2008 kl. 12:24]

Æi Rut mín, breytist nokkurn tímann græðgi mannanna?  Þetta er víst það sem við kusum yfir okkur og flest okkar hafa sofið á verðinum meðan góðærið gekk yfir.  Ekki kasta rauðri málningu á Alþingi, það er svo dýrt að þrífa það.  en ég skal fara með galdraþulu í hljóði á Mammon og eigingirni stjórnmálamanna.

[Rut Sumarliðadóttir, 2.12.2008 kl. 12:47]

Já, því miður er það svo. Ég sagði mig úr flokknum, það voru mín mótmæli. Endilega að kirja og senda álög á liðið a.m.k. heyrir enginn þegar við köllum...

[Sigurbjörg, 2.12.2008 kl. 13:47]

ég er svo samála þér að þetta er þvílík hneisa. Það má því miður reikna með því að ef þeir setja lög um lækkun sinna launa að sú lækkun verði smávægileg.

[Anna Ragna Alexandersdóttir, 2.12.2008 kl. 13:57]

Burtu með spillinguna.

Átt þú góðan dag

[Rut Sumarliðadóttir, 2.12.2008 kl. 15:38]

Sigurbjörg, ætli það verði ekki svipað og eftirlaunaósóminn, er ansi hrædd um það.

[Rut Sumarliðadóttir, 2.12.2008 kl. 15:39]

Anna, já burt með þetta siðblinda fólk.

Eigðu líka góða dag.

[Sigrún Jónsdóttir, 2.12.2008 kl. 17:19]

Ég er eiginlega fegin að þetta var ekki hægt.......því þá hefði það verið fordæmisgildandi. 

Það er nefnilega bannað að lækka laun fólks skv. kjarasamningum....það verður að segja þeim upp og ráða aftur ef það á að ske.

Þess vegna tel ég að þingheimur verði bara að endurnýja umboð sitt, gengið verði til kosninga og bingó......lækkuð laun fyrir nýjan þingheim

[Rut Sumarliðadóttir, 2.12.2008 kl. 17:52]

Eins og talað úr mínu hjarta.

[Rut Sumarliðadóttir, 2.12.2008 kl. 21:56]

Dóra mín, skyldi nú engan undra, hafðu það líka gott ljúfan. 

[Jakobína Ingunn Ólafsdóttir, 3.12.2008 kl. 17:20]

Ég tek undir það sem Dóra segir. Spillingarmálin eru orðin svo flókin og útbreidd að maður spyr sig hvernig allt þetta pakk hafi fengist til þess að taka þátt í þessu. Sennilega hefur Sigrún rétt fyrir sér með fordæmisgildið. Það þarf bara að reka allt þetta fólk sem er á ofurlaunum hjá þjóðinni við að vinna gegn henni.

[Rut Sumarliðadóttir, 3.12.2008 kl. 17:28]

Sammála.

[Sigrún Óskars, 3.12.2008 kl. 21:55]

Þegar borgað er beint eftir kjarasamningum þá er ekki hægt að lækka launin nema með uppsögn. Aftur á móti þegar laun eru mikið hærri en kjarasamningar (eins og hefur tíðkast fram að þessu hjá mörgum fyrirtækjum og bönkum) þá má með 1 mánaðar fyrirvara lækka launin.

Ég er ríkisstarfsmaður á kjarasamningslaunum og mundi ekki vilja fá launalækkun bara si sona.

[Rut Sumarliðadóttir, 3.12.2008 kl. 22:31]

Takk fyrir þetta Sigrún, það væri nú að bera í bakkafullan lækinn að lækka laun venjulegs fólk. Nóg er tekið í vöxtum og verðbótum. Þegar, eins og þú bendir réttilega á, fólk er á ofurlaunum er allt annað upp á teningnum.