Bakari fyrir smið

Verkfall ljósmæðra að skella á. Væntanlega ganga hjúkrunarfræðingar í þeirra störf á meðan á því stendur.

Er að velta fyrir mér hvernig hlutirnir litu út ef við heimfærum þetta upp á aðrar stéttir:

Ef það lekur hjá þér, ekki hringja í pípara, fáðu leikskólakennara í jobbið.

Fáðu þér svo endilega rafvirkja til að segja þér til í uppeldismálum.

Ekki ráða viðskiptafræðing til að sjá um skattamálin og hlutabréfin, talaðu við konu sem vinnur við þrif í heimahúsum.

Ekki hleypa kokki inn í eldhúsið, fáðu frekar tölvunarfræðing í verkið.

Enga kennara í skólastofurnar, fiskvinnslufólkið inn þar.

Ég gæti auðvitað haldið endalaust áfram í þessari upptalningu. Margt gæti líka farið saman. En ætla að lát hér staðar numið. Má ég biðja um faglært fólk í sértækum málum. Löngu orðið tímabært að ljósmæður séu metnar til launa í samræmi við sína menntun. Þær (já þær) eiga minn stuðning vísan.

 

 

 

 

Athugasemdir

[védís (IP-tala skráð) 3.9.2008 kl. 17:12]

skrýtið að það sé ekki litið á þær með sömu augum og annað fólk sem er jafn menntað og ljósmæður. þessar konur eru nú að taka á móti framtíðinni - eigum við ekki að gefa þeim smá kredit fyrir það?

[Rut Sumarliðadóttir, 3.9.2008 kl. 17:16]

Ég hefði að minnsta kosti ekki gefið í að ómenntað fólk tæki á móti þér ljúfan, og hjúkraði eftir það.

[Dúna (IP-tala skráð) 3.9.2008 kl. 22:38]

Sammála ljósmæður eiga að fá góð laun, þær vinna frábært starf. Kveðja frá ömmu sem býr á Kópaskeri.

[Rut Sumarliðadóttir, 3.9.2008 kl. 23:16]

Takk Dúna. Kveðja til allra á Kópaskeri.