Ný vekjaraklukka, vantar nafn..

15.12.2008 | 07:55

Var að fá nýja vekjaraklukku á fjórum fótum. Hann er bastarður. Var að hugsa um að kalla hann Starkaður bastarður en það er nú frekar óþjált. LoL Komnar nokkrar tillögur um nafn, eitt af þeim er Skundi, auðvitað eftir barnabókinni Emil og Skundi. Valdís dóttir mín og hennar familía tók að sér að keyra í Biskupstungur og ná í hann og síðan kom ég til Rvk. til að ná í hvutta. Hún hringdi þegar hún var komin á staðinn því hún ætlaði að velja fyrir mig. "Mamma, það er einn hérna sem er alveg eins og Skundi, manstu ekki eftir bókakápunni á Emil og Skundi"? Móðir hennar var alveg blönk á þessa bókakápu. Treysti hennar innsæi í jobbið.

En bara Snati?

Þetta litla skinn er svo fallegur og með selsaugu. Blendingur af border collie, irish setter og slatti af hinu og þessu með. Alger bastarður. Og ótrúlega fallegur. Hann er mikið fyrir franska kossa, það er ekki gagnkvæmt amk. ekki þegar húsdýrin eiga í hlut. Ég hef haldið miklar ræður yfir fólki sem " sefur hjá heimilisdýrunum og hvað það sé ósmekklegt", verð nú að éta það ofan í mig því við sváfum bæði mjög vel, í rúminu mínu. Hann er hins vegar greinilega meiri morgunhani en ég B-manneskjan, svo hér var farið á fætur kl. 6:30 í morgun, óguðlegur tími. Mér finnst fínt að vakna rólega svona um níuleitið og skrönglast fram í morgunkaffi og taka tvo tíma í fréttalestur og bloggheimsóknir en Skundi er ekki sammála. Hann vill leika. Frown

Þess vegna sit ég hér og blogga í morgunsárið og leita eftir nafni. Sagði ég annars Skundi áðan, ætli það festist? Eitthverjar betri tillögur en Starkaður bastarður? Endilega að láta vita ef ykkur dettur eitthvað í hug.

Rutlaskutla hundamamma. Og alger plebbi. Og sefur hjá húsdýrunum. Og verður að éta ofan í sig áðurnefnda sleggjudóma. Það viðurkennist hér með.

Flokkur: Bloggar | Facebook

Athugasemdir

hoho, litli bróðir strax farin að halda fyrir þér vöku? jæja, hann hefur bara verið svona úthvíldur við að lúlla upp í hjá þér.

annars er ég líka alveg ástfangin af honum skunda. eða ekki skunda. hann bræddi hjarta mitt með fyrsta augnaráðinu sem hann kastaði í áttina til mín. ég kem í heimsókn á eftir, ég þoli ekki að vera ekki með ykkur.

védís (IP-tala skráð) 15.12.2008 kl. 08:12

Gott hjá þér að fá þér hvolp en Nína verður varla hrifin. Hún er skíthrædd við hundinn minn enda er hann stór og myndarlegur. Passaðu þig bara að kenna hundinum strax hver er foringin (þú en ekki hundurinn) annars gengur hann á lagið.

Ágætt að hunsa hann til níu þá lærir hann að láta þig í friði fram að þeim tíma.

Til hamingju með hundinn.

Jakobína Ingunn Ólafsdóttir, 15.12.2008 kl. 08:25

Védís smákona, cordon bleu í kvölmatinn með Hornafjarðarkartöflum og bestu sósu í bænum, a la mamma.

Hann bróðir þinn er ekki eins morgunsvæfur og mamman.

Rut Sumarliðadóttir, 15.12.2008 kl. 08:40

Bíbí, Nína var einmitt hjá mér í gæt ásamt sínum heittelskaða eða ekki heittelskaða.

Takk fyrir tipsið, reyndi að setja hann fram úr rúminu og koma honum í skilning um að í þessu herbergi sefur maður bara, enginn leikur en hann var ekki sammála. Er búin að lesa á netinu um þjálfun, getur við ekki tekið fleiri í svona "hundaþjálfun"? Hemmhemm...

Rut Sumarliðadóttir, 15.12.2008 kl. 08:43

Hall, það er fallegt nafn, þú líka Dóra mín.

Rut Sumarliðadóttir, 15.12.2008 kl. 13:57