Dúddelídúddelídæ.

4.4.2009 | 13:13

Það er komið svo illa fyrir mér að ég læðist að tölvunni á morgnana og bíð eftir hryllingi dagsins á síðum blaðanna. Hvað skyldi það vera í dag eða slepp ég í þetta skipti? Hvenær kemur aftur dagur þar sem það er hægt að drekka morgunkaffið án þess að fá æluna í kokið? Trúa því að lóan sé í alvöru komin og bráðum komi vor. Ég var ekki spurð álits þegar við vorum skráð sem hamingjusamasta þjóð heimsins. Augljóslega.

Það eru þó einstaka atvik sem lýsa upp daginn. Eitt slíkt er Árni eyjapeyi. Hann dúddelíast í pontu Alþingis og tekur lagið fyrir þjóðina. Það er auðvitað gert til þess að virðing fyrir hinu hávirðulega Alþingi aukist hjá landsmönnum.

Ég veit ekki með ykkur en virðing mín fyrir þessari stofnun er í miklum lægðum þessa dagana. Ekki tókst Árna að að hækka þröskuldinn né félögum hans í Flokknum. Þar kemur hver kjafturinn í pontu á eftir hinum og þvælir og þrasar um eitt mesta hagsmunamál íslendinga; breytingar á stjórnarskránni. Allir eru voða foj yfir að vera ekki spurðir álits. Að stjórnin ætli þessu máli í gegn með eða án samþykkis Flokksins er auðvitað helber dónaskapur við stjórnarandstöðuna. Öðruvísi mér áður brá. Mikið svakalega kann Flokkurinn illa að vera í stjónarandstöðu.

Mætti ekki fá Dodda til að vera með smá uppistand? Árni tekur lagið og Doddi segir brandara um einhvern sjúkdóm og allir klappa lof í lófa? Það gæti hugsanlega dregið þjóðina að sjónvarpinu til að horfa á háæruvert Alþingi. Og auðvitað aukið virðingu fyrir því í leiðinni.

Flokkur: Bloggar | Facebook

Athugasemdir

og hver plataði Lóuna hingað til þessa volaða lands :)

Finnur Bárðarson, 4.4.2009 kl. 14:18

Já aumingja Flokkurinn á mikið bágt þessa dagana !

Ég man að börnin mín áttu líka bágt á öðru ári þegar þau þurftu að læra að deila dótinu sínu.

Soffía Valdimarsdóttir, 4.4.2009 kl. 16:07

Kvitt og kveðja.

Guðrún Jónína Eiríksdóttir, 5.4.2009 kl. 10:42

Lóan hlýtur að vera íslenskrar innréttingar. Sjálfspyntingar okkar felast í því að við virðumst kjósa yfir okkur það sem við viljum ekki vera undir.

Lóunnar, að koma hingað til okkar sem erum svona afbrigðileg. Lætur svo eins og hún sé hamingjusöm (skoðanakönnun meðal lóa) syngur svo mestallt sumarið, en flýr svo til annarra landa.

Ekki svo stór munur. Enginn plataði lóuna; hún hegðar sér bara eins og Íslendingur.

Eygló, 5.4.2009 kl. 11:01

Hver gerð Gerði...nei ég meina lóu litlu á brú. Takk fyrir kommentin, var að koma úr fermingarveislu og mallinn er fullur af góðum mat og kökum ásamt samneyti við gott fólk. Sem betur fer þá er þetta víst satt um lóuna, hún er komin til okkar guðsvolaða lands. Enda tók hún ekki þátt í bankahruninu og alsaklaus eins og flest okkar.

Dirrindí.

Rut Sumarliðadóttir, 5.4.2009 kl. 20:35

Áhugi minn á frekar skilt við hægðir en lægðir á hinu áður hávirta alþingi. Bara það að Árni eyjapeyji skuli yfir höfuð fá að stíga í pontu þarna segir allt sem segja þarf.

Ingibjörg Friðriksdóttir, 5.4.2009 kl. 20:43

Var ekki skrifað í erlendum fréttum: Lesbísk flugfreyja forsætisráðherra (sem ég hafði reyndar ekki húmor fyrir)? Kemur ekki núna: Tugthúslimur syngur í ræðustól Alþingis!?

Mér finnst við vera í leikriti sem ekkert okkar hefur sótt um hlutverk í.

Eygló, 5.4.2009 kl. 21:32

Stelpur, einu sinni hét þetta Sirkus Geira Smart en núna er það hvað? Leikhús fáránleikans? Hef nú talið mig frekar húmoriska manneskju en ég hef ekki húmor fyrir t.d. fötlun enda með skólagöngu í þroskaþjálfun og hef unnið í geiranum. Sama með Alzheimer, hann er í minni fjölskyldu. Á barnabarn á ská sem er samkynhneigt. Þá er ég ekki að telja samkynhneigð vera fötlun!! Ætli það brenni ekki heitast á eigin skinni?

Eygló góð samlíking!

Rut Sumarliðadóttir, 5.4.2009 kl. 21:44

Bara kíkja inn

TARA, 7.4.2009 kl. 23:26

Takk Silla mín, Vífill á spólu af þessu ferðalagi, var að segja við hann um daginn að hann þyrfti að brenna hana yfir á diska, allavega myndi ég kaupa einn slíkan af honum.

Tara, takk fyrir innlitið.

Rut Sumarliðadóttir, 8.4.2009 kl. 12:26

Silla aftur, held að það hafi verið Óskar Guðjóns sem ég hitti einhverntíma og hann sagði: "Rutla, þú breytist ekkert" sem ég auðvitað svaraði strax: "jú,jú, einu sinni var ég ung og falleg en nú er ég bara falleg".